Эрхэм зорилго:
Монгол улсад мэдээллийн системийг хөгжүүлэх, шинэлэг арга технологийг нэвтрүүлэхэд бидний зорилго оршино.

Манай баг хамт олон нь мэргэжлээрээ 5-с дээш ажилласан мэргэжлийн програмист, инженер, вэбмастер, график дизайнерүүд нэгдэн "ДАЗО" ХХК нэртэйгээр үйл ажиллагаагаа явуулан ажиллаж байгааг хэлэхэд таатай байна.

Манай компани нь орчин үеийн шинэ технологи дээр суурилсан програм хангамж боловсруулах мэргэжлийн сургалт, зөвлөгөө өгөх, мэдээллийн технологийн худалдаа, засвар үйлчилгээ үзүүлэх зорилготойгоор 2008 онд байгуулагдсан энэ салбартаа амжилттай ажиллаж буй компанийн нэг болж чадсан билээ. Бид мэдлэг оюунаараа мэдээллийн технологийн хөгжилд өөрсдийн хувь нэмрийг оруулж, хөгжил дэвшилд хамтдаа хүрэх зорилготой ажиллаж байна.

Бид өөрсдийн боловсруулсан програм хангамжийг ашиглахтай холбоотой сургалтуудыг хөдөө орон нутаг, төв суурин газруудын хэрэглэгчид байнга үзүүлж байна.
Техник хэрэгслийн засвар, үйлчилгээ, дотоод сүлжээ угсрах. Улаанбаатар хот болон хөдөө орон нутгийн харилцагчид, сургалтын төвийнхөө төгсөгчдийнхөө захиалга хүсэлтээр компьютер, дагалдах техник хэрэгсэлд нь  засвар үйлчилгээ үзүүлж найдвартай ажиллагааг нь хангахад мэргэжлийн заавар, зөвлөгөө өгч ажиллаж байна. УБ хотын сургууль цэцэрлэг, төсвийн байгуулагуудын компьютер, техник хэрэгслүүдэд засвар үйлчилгээг чанартай гүйцэтгэдэг. 

Програм хангамж. Бид хэрэглэгч, байгууллага, аж ахуйн нэгжүүдийн захиалгаар тэдгээрийн үйл ажиллагааг автоматжуулах, хялбарчлах програм хангамжуудыг боловсруулах ажил гүйцэтгэсээр ирлээ. Цаашид хамгийн сүүлийн үеийн технологи дээр суурилсан мэдээллийн бааз өгөгдөл боловсруулах, интернэт болон интранетийн орчинд ажиллах програм хангамж боловсруулах ажлыг хийж байна.
Чанар ба баталгаа: Бид захиалгаар зохиосон програм хангамждаа 1 жилийн баталгаа гаргана. Мөн програмыг боловсруулах явцдаа захиалагчтайгаа хамтарч ажилласны үр дүнд шаардлага хангасан, уян хатан, системийг хөгжүүлэх, дахин сайжруулах боломжтой болгоно. Програм зохиох олон жилийн туршлагатай нөхдүүдээрээ бахархаж байна. Бидэнтэй хамтарч ажиллах санал бүрийг талархан хүлээн авч ажил хэрэг болгоход бэлэн байна.